Roza or Ramadan - روزہ اور رمضان

نفس انسانی کے تزکیے اور تربیت میں ماہِ رمضان کو جو مقام حاصل ہے، وہ ہر صاحب دل جانتا ہے۔ یہ ۳۰ روزوں کا لازمی ٹریننگ پروگرام ہر سال جھولی بھر لینے کے لیے آتا ہے۔ اس کے بارے میں سلف و خلف سب نے ہی لکھا ہے۔ جب محترم خرم مراد نے ترجمان القرآن کی ادارت کی ذمہ داری سنبھالی اور رمضان المبارک آیا تو انھوں نے اس موقع پر تمام تحریرات ، روزہ اور رمضان کے موضوع پر منتخب کر کے شائع کیں اور اس طرح اس شمارے کو خاص نمبر کی حیثیت حاصل ہو گئی ۔ آپ کے ہاتھ میں جو کتابچہ ہے وہ یہی انتخاب ہے، ایک مضمون کا اضافہ کیا گیا ہے۔ امید ہے کہ قارئین اسے نافع اور مفید پائیں گے ، صرف خود پڑھ لینے پر اکتفا نہیں کریں گے، بلکہ نیکیوں کے اس موسم بہار میں اس کی خوشبو خوب پھیلائیں گے۔